ថ្ងៃអង្គារ ទី២៦ ខែធ្នូ ឆ្នាំ២០២៣ វេលាម៉ោង១០:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំពិភាក្សាការងារនារី និងកុមារ រួមជាមួយគណៈបញ្ជាការឯកភាព និងក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។ ឯកឧត្តម បានសម្តែងការកោតសរសើរ ដែលបានខិតខំយកចិត្តទុកដាក់បម្រើសេវាសាធារណៈ និងដោះស្រាយសំណូមពរ ជូនបងប្អូនប្រជាពលរដ្ឋលើការងារសន្តិសុខសណ្តាប់ធ្នាប់បានល្អប្រសើរ ការអនុវត្តគោលនយោបាយភូមិ ឃុំមានសុវត្ថិភាព ពិសេសលើកាងារចុះល្បាតត្រួតពិនិត្យរដ្ឋបាលតាមគោលដៅ ដែលបានកំណត់។ សម្រាប់ទិសដៅជាអាទិភាពដែលត្រូវបន្តរួមសហការគ្នាអនុវត្តរួមមាន បន្តការងារថែទាំសុខភាពជូនក្រុមប្រឹក្សាសង្កាត់ក្នុងតំណែង ក្នុងករណីយថាហេតុនានាត្រូវផ្តល់ពត៌មានមកសមត្ថកិច្ចឲ្យបានជាប់ជាប្រចាំ។ នាឱកាសនោះ ឯកឧត្តម បានជួយឧបត្ថម្ភកន្សែងពោះគោ ចំនួន២០កន្សែង ក្នុងបរិយាកាសស្និទ្ធស្នាល សប្បាយរីករាយក្រៃលែង។